ياستى ارحمى اهلى عايز ازاكر

ياستى ارحمى أهلى عايز أذاكر

الله أكبر الله أكبر..أذان الظهر..

-يارب.. يارب بحق هذا الآدان تنجح يا بسام يابن ابنى وأشوفك دكتور قد الدنيا

-ياستى بس أنا فى تجارة

-وماله يابنى هو يكتر على ربنا...... ده ربنا قادر على كل شئ

-ياستى ونعم بالله بس اللى بيطلع دكتور لازم يكون فى كلية الطب مش التجارة

-ياللا تجارة تجارة ..ومالها التجارة ..هو حتى التجارة شطارة.. الله يرحمه جدك كان تاجر فى الوكالة قد الدنيا

-ياستى التجارة اللى فى الوكالة حاجة واللى فى الكلية حاجة تانية

-ع العموم شد حيلك أنته وانا أخلى جدك يخدك معاه الوكاله عشان تدردح وتتوتك فى السوق

-جدى إيه اللى هايخدنى معاه .....ده جدى مات من زمان ياستى

-يامصيبتى هومات..ياحبيبى ياأخويا..مكنش يومك ياسبعى

-ياستى ده ميت من 30 سنة

-30 سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ما عمره دخل عليا ببطيخة ولاكيس جوافة

-ياستى حرااام عليكى عايز أذاكر

-يوه..وأنا ماسكاك ياولد..ذاكر ...ذاكرعشان ربنا يكرمك وتنجح وتاخد الدبلون

-ياستى دبلون إيه..أسمه البكالوريوس

-أنته بتضحك عليا ياواد..أسمه الدبلون الواد ابن جارتنا جدع زيك كده فى مدرسة التجارة وخد الدبلون

-خلاص دبلوم دبلوم ياستى ..سيبينى بقى عشان أذاكر

-ذاكر ..ذاكر ياأخويا ذاكر... تعرف ياولد ..ندرن عليا يوم ماتنجح لأكون رايحه اخطب لك ليلى بنت جارتنا ....دى إيه ياواد.. أدب- وأخلاق..وعلام كمان

-ياستى ليلى دى معاها أعدادية

-وماله يابنى ...الراجل مايعبهوش إلا جيبه

-راجل ...راجل مين ياستىليلى دى بنت

-ليلى ؟؟ ليلى مين ياواد انت أنته بتعرف بنات من ورانا

-لا إله إلا الله....أبوس رجلك ياستى أرحمينى

-طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مفركشه الخطوبة دى ومجوزاه فايزه بنت أختى

-ياستى خطوبة إيه..أبويا متجوز أمى من خمسة وعشرين سنة ..وبعدين فايزه دى بنت أخوكي مش بنت أختك ..وأساسا إنتى ملكيش إخوات بنات

-صحيح ياواد ..أنته عندك حق أنا مليش إخوات بنات..أصلى أناأمى ماكنتش بتخلف صبيان

-حراااااااااااااااااااااااااااااااااام ............ستى ماتطلعى البلكونة شويه ...ده الهوا حلو
-لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى

-خلاص روحى المطبخ ...أهو زمان أمى خلصت الرز

-رز...رزإيه يابنى....هوأنا ليه سنان للرز...أناهطلع البلكونه أحسن

-طب أبقى خلى بالك م الهوى ياستى
-هوى لما يلطشك

الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها
انا اسمى ايه؟؟؟؟؟

منتديات احلى فرحه عالم من التميز والابداع

هههههههههههههههههههههههههههههههههه جميل اووى الموضوع ده بس انا لو كنت مكانه كنت ولعت فى سيته دى ربنا يكون فى عونه

تسلمى ملاك على المرور ايه القمر ده ياخراشى ياولاد Wink

يالا اى خدمه ضحك ببلاش اهووووووو tongue

اضحك انا كمان بقى هههههههههههههههههههههههههههههههههههههه بصراحه كل ما اقراه اضحك ههههههههههههههههههههههههههههههههههههههههههههههههههههههههههههههههههههههههههههه

فعلا لازم تضحك
بس اقبل ماتضحك
اتخنق
بجد بجد ستو دى عسسسسسسسسسسسسسسسل
عسسسسسسسسسسسسسسسسل

تسلم اخى

» عايز تعرف فين اتصنع موبيلك؟
» حصريا سيد شعبان عبدالرحيم ((عايز تعرف حالى)) جامدة جداCDQ